«لازم نيه کسی واقف‌دارا به کی اما خانه ميان راديؤ خارجی گوش دهيم.»
هنی خو گبأ تمانأ کوده نکوده، اس.ام.اس سرأ دأم: «نمی‌دونی اين‌جا چه خبره. بابا داره راديو خارجی گوش می‌ده…» خنده امره گم: آقاجان، اَ دؤر و زمانه ميان همه کسˇ خانه مئن ماهواره نهأ! بشم چی بگم؟

گوشی‌يه نهم سايلنت(2)ˇ سر. کنترل اوسانم و کانال عوضأ کونم.
«اَ بيلاوارثˇ صدایه قططأ کون!»
تلويزيونˇ صدايه کمأ کونم و تصويران دواريدی. مردوم، امام، شاه، گول، دار، درخت، نور، نور و نور… راديؤ مئن، ای نفر خو صدايأ چنان جير و جور بره کی گويی کاوه آهنگره!
می سرأ تکيه دهم ديوارا. جواب فارسه: « نازی. حساس نباش».
«رؤيا» ديوارˇ سر وارگاده نهأ. می چومانه دَوَدَم و خيالأ شم…

19/11/86

1) The Dream، ايته نقاشی تابلو نام، سالوادور داللی شین.
2) Silent.